ھەر قايسى دۆلەتلەرنىڭ قانۇندا بەلگىلەنگەن توي قىلىش يېشى قانچە؟

تەھرىر: tursun   مەنبەسى:未知   يوللانغان ۋاقتى:2015-12-04 13:18
ھەر قايسى دۆلەتلەرنىڭ قانۇندا بەلگىلەنگەن ئەڭ تۆۋەن توي قىلىش يېشىنى بىلەمسىز؟                                                                                
بىزنىڭ دۆلىتىمىزنىڭ قانۇنىدا ئوغۇللار 22 ياشتىن، قىزلار 20 ياشتىن بۇرۇن توي قىلسا بولمايدۇ دەپ بەلگىلەنگەن. يەنە ئوغۇللار 22 ياشقا قىزلار 20 ياشقا توشقاندىلا ئاندىن توي خېتى ئېلىپ قانۇنلۇق توي قىلالايدۇ. ئاۋمىن ۋە شىياڭگاڭدا بولسا ئوغۇللار 18 ياشتا، قىزلار 16 ياشتا توي قىلسا قانۇنلۇق بولىدىكەن. ئۇنداقتا باشقا دۆلەتلەرنىڭ بۇ ھەقتىكى قانۇنىي بەلگىلىمىسى قانداق؟

1. ئىران:

ئوغۇللار:
18 ياش، قىزلار: 16 ياش. (ئىلگىرى ئوغۇل-قىزلار بىردەك توققۇز ياش بولغان)

2. گوللاندىيە:

ئوغۇللار: 18ياش، قىزلار 16 ياش.(ئالدىنقى شەرت: ئاتا-ئانىسى قوشۇلغان بولۇشى كېرەك)

3. روسىيە:

ئوغۇل-قىزلار بىردەك 18 ياش. (ئالاھىدە ئەھۋالدا 16 ياشتا قىلسىمۇ بولىدىكەن، يەنى رايونلارنىڭ ئوخشىماسلىقىغا قاراپ ئۆزگىرىدىكەن)


روسىيە يېقىندا قانۇنلۇق توي قىلىش يېشىنى ئەسلىدىكى 16 ياشتىن 14 ياشقا تۆۋەنلەتمەكچى ئىكەن. روسىيەدە ھەر قايسى رايونلارنىڭ توي قىلىش يېشى ئوخشاش بولمايدىكەن. روسىيە ھۆكۈمىتى ئوخشاش بولمىغان رايونلاردىكى توي قىلىش يېشىنى بىرلىككە كەلتۈرۈشكە تىرشىۋاتقان بولۇپ، لېكىن توي قىلىش يېشىنى 14 ياش قىلىپ بېكىتىشى ب د ت كىشىلىك ھوقۇقى كومىتېتى بەلگىلىمىسىگە خىلاپ بولىدىكەن، چۈنكى ب د ت كىشىلىك ھوقۇق كومىتېتىنىڭ بەلگىلىمىسىدە ئەڭ كىچىك توي قىلىش يېشى 15 ياشتىن تۆۋەن بولسا بولمايدىكەن. لېكىن روسىيەدە بەزى مۇسۇلمانلار ئولتۇراقلاشقان رايونلاردا خېلى بۇرۇنلا 14 ياشتا توي قىلىش قانۇنلۇق بولۇپ بولغانكەن، پەقەت ھازىر بۇ ياشنى بىردەك پۈتكۈل روسىيەگە ئوخشاش قىلىپ بېكىتمەكچى ئىكەن. روسىيەنىڭ بۇ لايىھىسى زۇڭتۇڭنىڭ تەستىقى ۋە ب د ت كىشىلىك ھوقۇقى كومىتېتى رەھبەرلىرىنىڭ قوللىشىغا قاراشلىق قالغان.

4. فىرانسىيە:

ئوغۇل-قىزلار بىردەك 18 ياش.

5. فىلىپپىن:

ئوغۇل-قىزلار بىردەك 18 ياش. (مۇسۇلمانلار: ئوغۇل-قىزلار بىردەك 15 ياش)

6. كورىيە:

ئوغۇللار: 18 ياشتىن، قىزلار 16 ياشتىن چوڭ بولۇشى كېرەك. 20 ياشقا تولمىغان ئەھۋالدا توي قىلىشنى ئىلتىماس قىلغاندا چوقۇم ئاتا-ئانىسىنىڭ قوشۇلۇشى بىلەن بولۇشى كېرەك. ئاياللار توي قىلىپ ئالتە ئاي ئىچىدە قايتا توي قىلىشنى ئىلتىماس قىلسا بولمايدىكەن، لېكىن دوختۇرنىڭ ھامىلدار بولغان-بولمىغانلىق ئىسپاتىنى كۆرسىتىپ بىر تەرەپ قىلسىمۇ بولىدىكەن.

كورىيە 2007-يىلى قانۇنغا تۈزىتىش كىرگۈزۈپ قانۇنلۇق توي قىلىش يېشىنى ئۆزگەرتكەن. يەنى ئوغۇل-قىزلار بىردەك 18 ياش قىلىپ بېكىتىكەن.

7. ياپونىيە:

ئوغۇللار: 18 ياش، قىزلار: 16 ياش

8. بىرازىلىيە:

ئوغۇللار: 18 ياش، قىزلار: 16 ياش.

9. ئامېرىكا: ئامېرىكىدا قانۇن بەلگىلىگەن توي قىلىش يېشى ھەممە شىتاتلاردا بىردەك بولمايدىكەن. بەزى شىتاتلاردا قۇرامىغا يەتمىگەنلەرنىڭ ئاتا-ئانىلىرى قوشۇلسىلا توي قىلىشقا يول قويىدىكەن، لېكىن بەزى شىتاتلاردا ئوغۇللار 18 ياشتىن، قىزلار 16 ياشتىن كىچىك ئەھۋالدا ئاتا-ئانىسى قوشۇلغان تەقدىردىمۇ توي قىلىشىغا بولمايدىكەن. مىسسىپى ۋە ۋاشىنگىتون قاتارلىق بىر نەچچە شىتاتتا ئوغۇللار 14 ياشقا، قىزلار 12 ياشقا تولسىلا توي قىلىشقا يول قويىدىكەن.
  
10.ئەنگلىيە:

ئوغۇل-قىزلار بىردەك 16 ياش

11. گېرمانىيە:

ئوغۇل-قىزلار بىردەك 18 ياش.

12. شىۋىتسارىيە:

ئوغۇل-قىزلار بىردەك 18 ياش.


13. چاۋشىيەن:

1990-يىلى قانۇندا بەلگىلەنگەن ئەڭ تۆۋەن توي قىلىش يېشى:

ئوغۇللار:18 ياش، قىزلار:17 ياش.


14. كانادا:

21 ياشقا تولغانلار ئىككى خىل سالاھىيەت گۇۋاھنامىسى ئېلىپ بارسىلا توي خېتى ئالالايدىكەن. 21~16 ياش ئارىلىقىدىكىلەر ئىككى خىل سالاھىيەت گۇۋاھنامىسى ۋە تۇغۇلۇش ئىسپاتىنى ئېلىپ بېرىپ توي خېتى ئالىدىكەن. 16 ياشقا توشمىغانلار بولسا توي قىلىشقا بولمايدىكەن، 16 ياشلىقلار چوقۇم ئاتا-ئانىسىنىڭ قوشۇلۇشىدىن كېيىن ئاندىن توي قىلسا بولىدىكەن.


15.ئاۋىستىرالىيە:

ئوغۇللار: 21 ياش، قىزلار: 18 ياش. 
  

يانفۇندا كۆرۈش
    315