ئاشىننىڭ ئاقۋىتى

تەھرىر: tursun   مەنبەسى:未知   يوللانغان ۋاقتى:2015-11-13 11:09

ۋۇ نومۇس قىلمايدىغان بۇزۇق ، ئايىقى تەگكەن يەرنىڭ ھەممىسىنى نەس باسىدۇبۇنىڭ ...............................
رەيھان ئۆزىگە ئاڭلىتىپ تۇرۇپ دېيىلىۋاتقان ، ئېغىزدىن چىقارغۇسىز بۇگەپلەرگە پەرۋامۇ قىلماي قولىدىكى تېنچلاندۇرۇش دورىسىغا پات پات قارىغىنىچە ئۆيىگە قاراپ يۈگۈرگەندەك كېتىۋاتاتتى ،ماڭغاچ ئەتراپتىكى مەنزىرىلەرگە تويماي قارايتتى ، چۈنكى ئۇزاق قالماي بۇ مەنزىرىلەر بىلەن مەڭگۈ خوشلىشاتتى ...........................
ئۇنىڭ نامىزى شۇنچىلىك ئاددىي ئۇزىتىلدىكى پەقەت ئاتا ئانىسى ئۇرۇق تۇغقانلىرىلا بار ئىدى .
ئۇ راسلا باشقىلر دېگەندەك شۇنچە نومۇسسىز ئايالمىدۇ؟
رەيھان ئۆزىنىڭ كۆيۈمچان ئېرى ھەم ئۇماق بىر ئوغلى بولغانلىقى بىلەن ناھايىتى بەخىتلىك ئايال ھېساپلىناتتى ، كېيىن ئۇ خىزمەت ئېھتىياجى بىلەن شەھەرگە ئىككى يىللىق بىلىم ئاشۇرۇشقا كەلدى ، بىراق كىممۇ بۇ ئەھۋال ئۇنى ئىناق ئائىلىسىدىن ئايرىلپ قېلىشىغا سەۋەپچى بوپ قالىدۇ دەپ ئويلىغان دەيسىز ،
رەيھاننىڭ يولدىشى رىشات ناھايىتى كۆيۈمچان ۋە ئاقكۆڭۈل يىگىت بولۇپ ئۆيدە ئۇنىڭ يوقلۇقىنى چاندۇرماي ،بالىسىغا ھەم دادا ،ھەم ئانا بولۇپ ئۇنىڭ ھالىدىن خەۋەر ئېلىپ تۇردى ، ھەپتىنىڭ ئاخىرى بوپ بولغىچە بۇ دادا بالا ئىككەيلەننىڭ رەيھاننى ساقلاپ كۆزى تۆت بوپ كېتەتتى ، شۇنداق قىلىپ ئارىدىن بىر نەچە ئاي ۋاقىت ئۆتتى ، رىشات ھەر ھەپتىنىڭ ئاخىرى كېلىپ ھەپتىنىڭ بېشىدا يەنە مەكتەپكە قايتىپ يول جاپاسى تارتىۋاتقان ئايالى رەيھانغا قاراپ ئۇنىڭ ئىچى سېرىلدى ، ھەم ئۇنى ئاپتوبۇستا ئولتۇرۇپ قىينالمىسۇن دەپ ئ رەيھاننى ئاپىرىپ ئەكىلىشنى ئۆزىنىڭ كىچىكىدىن بىرگە ئويناپ چوڭ بولغان ، كۈندە بىرۋاق تاماقنى بىرگە يېمىسە كۆڭلى ئۇنىمايدىغان جان جىگەر دوستى رەپقەتكە تاپىلىدى ، چۈنكى رەپقەت شۇ ناھىيدىكى مەلۇم بىر ئىدارىنىڭ ماشىنىسىنى ھەيدەيدىغان بولۇپ ئۇ باشلىقنىڭ ئۆيى شەھەردە ئىدى ، رەپقەت باشلىقىنى ھەپتىنىڭ ئاخىرى ئاپىرىپ قويۇپ رەيھاننى ئەكىلەتتى ، ھەپتىنىڭ بېشىدا رەيھاننى مەكتىۋىگە ئاپىرىپ بولۇپ باشلىقىنى ئېلىپ كېتەتتى ، شۇنداق قىلىپ ئارىدىن بىر مەزگىل ئۆتكەندىن كېىن رەپقەتنىڭ رەيھانغا ۋە ئۇنىڭ تۇرمۇشىغا شۇنچىلىك مەستلىكى كەلدى ، چۈنكى ئۇ ئايالى بىلەن مۇناسىۋىتى ئانچە ياخشى ئەمەس ئىدى ، يولدا ماڭغاچ ئۇنىڭ بىلەن پاراڭلىشىپ ئۆزىنىڭ دەردىنى تۆكىدىغان بولدى بارا بارا رەپقەت ئۆزىنىڭ رەيھانغا كۆيۈپ قالغانلىقىنى سەزدى ،رەيھان قايتىپ كەلگەن كۈنلىرى باھانە تېپىپ ئۇلارنىڭ ئۆيىگە باراتتى ، رەيھانمۇ ئۇنىڭ ئۆزىگە كۆيۈنۈشلىرىگە ، توختىماستىن تېلىفۇن قىلىپ ئۇنى كىچىك بالىدەك ئەركىلىتىشلىرىگە مەھلىيا بوپ قالغانلىقىنى ئۆزىمۇ سەزمىگەنىدى .
شۇنداق قىلىپ شېرىن مۇھەببەت قايناملىرى ئۇلارنى غەرق قىلغان مۇشۇ پەيتتە ،رەپقەتنىڭ ئايالى تۇيۇقسىزلا ئۆزىنىڭ سىڭلىسى ئارقىلىق تېلىفۇننىڭ سۆزلەشكەن خاتىرىسىنى تەكشۈرتۈپ قالدى ، چۈنكى ئېرى ئۇنىڭغا تېخىمۇ قوپال مۇئامىلە قىلىدىغان بولىۋالغانىدى ، لېكىن كىم بىلسۇن ، بىر ئايلىق تېلىفۇن خاتىرىسىدىن757قېتىملىق تېلىفۇن قوبۇل قىلغانلىق ۋە ئۇرغانلىقى ئېنىقلاندى ئەجەپلىنەرلىك يېرى شۇكى بۇلارنىڭ ھەمىسى بىرلا ئادەنىڭ نومۇرى يەنى يولدىشىنىڭ جان جىگەر دوستىنىڭ ئايالىنىڭ نومۇرى ئىدى، 
ئۇ ۇ گەپلەرنى رەيھاننىڭ يولدىشغا دېدى ، ئىدارىسىغا كىرىپ ئەرىز قىلدى، ئاتا ئانىسنىڭ يېنىغا بېرىپ بالىسىنى تاشلاپ بەردى ، توختىماستىن رەيھانغا تېلىفۇن قىلىپ ئۇنى ئەپسانە گەپلەر بىلەن تىللايتى . يولدىشىمۇ ئۇنى ئۆيدىن قوغلاپ چىقىرىۋەتتى .ئاتا ئانىسىمۇ يۈزىمىزنى تۆكتۈڭ سەندەك قىزىمىز يوق ، ئۇنىڭ يالۋۇرۇشلىرىغىمۇ قۇلاق سالمىغانىدى .
رەيھان بۇ ئاھانەتلەرگە چىدىماي چاچلىرىنى يۇلاتتى ، يىغلايتتى ، بۇ چاغدا رەپقەت تېلىفۇن بېرىپ ئۇنىڭغا تاسەللىي بەرگەندىلا ئاندىن ئۇ جىمىپ قالاتتى ، ئۇ توختىماي سىزنى ئالىمەن ، سىز مېنىڭ پەرىشتەم دېگەندەك گەپلەرنى قىلاتتى رەيھانمۇ بۇ گەپلەرنى بىرەر كۈن ئاڭلىيالمىسا ئۇيقىسىمۇ كەلمەيتتى ، بىر كۈنى رەيھان ئەنسىرىگەن ئىش ئاخىرى يۈز بەردى .
رەپقەتنىڭ ئايالى بىر نەچچە دوستى ۋە سىڭلىسىنى باشلاپ كىرىپ ياتاققا باستۇرۇپ كىرىپلا ئۇنى شۇنچىلىك قاتتىق ئۇرىۋەتتىكى ، ئۇ نەچچە كۈنگىچە دەرسكىمۇ چىقالمىغانىدى ،رەپقەت يىغلاپ تۇرۇپ ئۇنىڭغا نۇرغۇن ۋەدە قەسەملەرنى بېرىپ يەنە ئۇنى ئېرىتىۋېلىپ قايتىپ كەتتى ، 
شۇنداق قىلىپ رەيھاننىڭ ئائىلىسى ۋەيران بولغانىدى ، لېكىن ئۇ قىلچىمۇ پۇشايمان قىلمايتتى ، چۈنكى ئۇنىڭ يېنىدا ھەقىقىي سۆيگەن ئادىمى بار ئىدى ،ئۇ كېچە كۈندۈز رەپقەتنىڭ ئۆزىنى تېزرەك نىكاھىغا ئېلىپ بۇ ئاھانەتلەردىن قۇتۇلدۇرۇشنى تىلەيتتى . 
ئۇنىڭ كۆڭلى پەقەت رەپقەتنىڭ ئۇنىڭغا بەرگەن تەسەللىسى ۋە بېغىشلىغان مۇھەببىتى ئارقىلىقلا خۇش بولاتتى . شۇنداق قىلىپ ئۇككى يىل ۋاقىتمۇ توشۇپ قالدى ، بۇ ئارىلىقتا رەپقەتنىڭ ئايالى ھەپتىدە بىر كېلەلمىسىمۇ 15كۈندە بىر كېلىپ ئۇنىڭغا ئاھانەت قىلىشنى ئۇنتۇمىدى ،
رەيھان ناھىيىگە قايتىشنى قەتئىي خالىمايتتى ، چۈنكى ئۇنىڭ ئىدارىسىدىكىلەرمۇ ئۇنىڭ ئىشىدىن خەۋەردار بوپ بولغانىدى ، ئۇ ئەمدى قايسى يۈزى بىلەن بارسۇن ، يەنە شۇ رەپقەتكە تارتىشىپ ئۇ يەنىلا ئۆزى تۇرۇشلۇق ناھىيىگە قاراپ يول ئالدى ،قەلبىدە بىر ئۈمىت بار ئىدى ئۇ بولسىمۇ سۆيگۈنى رەپقەت بىلەن بىر ناھىيىدە ئىشلىيەلەيتتى ،
لېكىن رەپقەتنىڭ ئايالى 2كۈندە بىر ئۇنىڭ ئىدارىسىگە كېلىۋېلىپ ئۇرۇش چىقىرىپ نەدە كۆرسە سەت گەپلەر بىلەن ھاقارەتلەپ بىر نەچچە ئاي ئىچىدىلا رەيھاننى ۇكىچىك بىر ناھىيىدە تونۇمايدىغان ئادەم قالمىغاندى.
ئۇنىڭ ئاتا ئانىسى رەيھاننىڭ بالىسىغا ئاتاپ ئېلىپ قويغان بىر ئۆيى بار ئىدى ، رەپقەت بىلەن ئىككىسى ئەمدى پەردىشەپنى قايرىپ قويۇپ بۇ ئۆيدە بىرگەە تۇرۇشقا باشلىدى ، رەيھان ئۇنى خۇددى پادىشاھلارنى كۈتكەندەك كۈتەتتى ، رەپقەت ئۆمرىدە ئېرىشىپ باخمىغان كۆ يۈنۈشكە ۋە بەخىتكە ئېرىشكەنىدى.

لېكىن ئۇنىڭ بۇ بەختىمۇ ئۇزۇنغا بارمىدى ، ئۇنىڭ باشلىقى ئۇنىڭ ئۈستىدىكى گەپ سۆزلەر ئۆزىگىمۇ ئىدارىگىمۇ ياخشى ئەمەس بولمىسا خىزمىتىڭنى بوشات دەپ تەھدىت سالدى ، 
شۇنىڭ بىلەن رەپقەت بارغانچە رەيھاننىڭ يېنىغا ئاز كېلىدىغان بولىۋالدى ، رەيھانمۇ ئۇنىڭ ھەر خىل باھانىلەر بىلەن ئۆزىنى ئالدىشىغا ئنىڭ ئۆزىنى قاچۇرۇشلىرىغا بەرداشلىق بېرىپ كەلدى ، 
بىر كۈنى ئۇ كوچىدا كېتىۋاتقاندا تۇيۇقسىز كەينى تەرىپىدىن بىرىنىڭ سەتلا چاقىرغان ئاۋازى قۇلىقىغا كىرىپ قالدى ، رەپقەت بىلەن ئۇنىڭ ئايالى تۇراتتى ، ئۇ ئايال رەپقەتنى قولتۇقلىۋالغان بولۇپ ،رەيھانغا يەۋەتكۈدەك قارايتتى ، 
ئەمدى دېگىنە بۇنىڭغا تۇرامسەن ماڭىمۇ ؟رەپقەتنىڭ ئايالىنىڭ پەيلى يامان تۇراتتى ،
رەپقەت: جېنىم خوتۇن ساڭا تۇرىمەن ، بۇ پاسكىنا ماڭا چاپلىشىپلىۋالدى ، كۆڭۈلنىڭ كەينىگە كىرىپتىمەن بۇ پاسكىنا سېنىڭ قولۇڭ ئەمەس پۇتۇڭغىمۇ سۇ قۇيۇپ بېرەلمەيدۇ .................
ئۇنداق بولسا مېنىڭ ئالدىمدا ئىشىڭنى ئاخىرلاشتۇر.
رەپقەت رەيھان تەرەپكە قاراپ كېلىۋاتاتتى ، شۇ تاپتا ئۆزى سۆيگەن چىن دىلىدىن سۆيگەن ئادىمىنىڭ ئېغىزىدىن چىقىۋاتقان گەپلەرگە ئىشەنگىسى كەلمەيتتى ،
ماڭا قارا پاسكىنا ئەمدى ماڭا چاپلىشىۋالما ، سېنىڭ كاساپىتىڭدىن مەن دوستۇمدىنمۇ ئايرىلىپ قالدىم ، ئەڭ مۇھىمى ئايالىمدىن ئاجىراشتىم ، ھەممىسى سەن قانجۇقنىڭ تېرىغان ئىشى ، ئاڭلاپ قوي ئەتە چوڭ توي قىلىپ ئايالىمنى ئەكىلىۋالىمەن ماڭا تېگىمەن دېيىشىڭ ئۇخلاپ چۈشۈڭ ، 
سەندەك ئېرىگە ۋاپا قىلمىغان پاسكىنىنى ئالغۇچە ئۆلىۋالامىنا ،
رەيھان چوڭ يولدىلا ئۆزىگە قىلىنغان بۇ ئاھانەتلەرنى كۆتۈرەلمىدى ، بولۇپمۇ ئۆزى سۆيگەن يىگىتنىڭ ھاقارەتلىشى ئۇنى شۇنچىلىك ئازاپلىدىكى شۇ تاپتا ئۆزىمۇ تىل بىلەن ئىپادىلەپ بېرەلمەيتتى ،
ئۇدۇل دادىسىنىڭ شەخسىي دوختۇخانىسىغا باردىدە ئۇنىڭغا ئۇقتۇرماي تېنىچلاندۇرۇش دورىسىدىن ئىككى قۇتا سومكىسىغا سېلىۋالدى ، 
ئۇ قانداق تېز كىرگەن بولسا شۇنداق تېز چىقىپ كەتتىكى دادىسىمۇ توسۇپ قالالمىدى ، نېمىلا دېگەن بىلەن ئۆزىنىڭ يۈرەك پارىسىدە ، رەيھان ئۆيگە كەلگەندىن كېيىن ئۆتكەن ئىشلارنى بىر بىرلەپ ئەسلەشكە باشلىدى ، ئۇ ئەمدى قانداقمۇ ياشىسۇن ، ئىدارىسىدىنمۇ توختىتىپ قويۇلدى ،ئۇنىڭ دوستلىرىمۇ ئۇنى تاشلىۋەتكەنىدى ، دۇنيادا ئۇنىڭ بىر رەپقەتتىن باشقا ھېچنىمىسى يوق ئىدى ئەمدى ئۇنىڭدىنمۇ ئايرىلدىن ، ئۇ ئاتا ئانىسىغا يۈز كېلەلمەيتتى ، ئۇ ئاخىرى بۇ دۇنيا بىلەن خوشلۇشۇپ بۇ ئازاپلاردىن بىراقلا قۇتۇلۇشنى ئويلىدى ..............................
ھېكىم ئاكا قىزىدىكى بىنورماللىقنى كۆرۈپ قولى تازا ئىشقا بارمىغانىدى ، ئۇ يەنىلا قىزىدىن ئەنسىرەپقالدى ، رەيھاننىڭ تېلىفۇنى ئۇلانمىدى .
ھېكىم ئاكا زەينەپخان ھەدىنىڭ كە چ بوپ كەتتى ئەتە بارايلى دېگىنىگىمۇ ئۇنىماي ، رەيھاننىڭ ئۆيىگە كەلدى ئىشىك دېرىزىلەر ھىم ئېتىلگەن ئۆيدە ئادەم باردەك قىلمايتتى ، كېچىچە سىرتلارنى ئىزدەپ بارمىغان يەر قالمىغانىدى . ھېكىم ئاكا تاڭ ئاتقاندا پەيدا بولار دەپ قايتىپ كەتتى ئەتىسى ھېكىم ئاكا ئىشىكنى بۇزۇپ ئۆيگە كىرگەندە رەيھاننىڭ جەسىدى مۇزلاپ قېتىپ كەتكەنىدى ، جىنازىنى كۆتۈرۈپ ماڭغانلار بىلەن توينى يۆتكەپ ماڭغانلار رەپقەت بىلە رەيھان داۋاملىق ئۇچرىشىدىغان كىچىك بىر قەھۋەخانىنىڭ ئالدىدا دوقۇرۇپ قېلىشقانىدى.

 

  

يانفۇندا كۆرۈش
    315