قوناقنى كۆپ يېسە ئۈچەيگە پايدىلىق

تەھرىر: كارۋان   مەنبەسى:未知   يوللانغان ۋاقتى:2016-10-21 10:49

 قوناقنىڭ ئۇزۇقلۇق قىممىتى يۇقىرى بولۇپ، كۆپ ئىستېمال قىلسا سالامەتلىككە پايدىلىق.

    گېرمانىيە تەتقىقاتچىلىرى بۇغداي بىلەن قوناقنىڭ ئوزۇقلۇق قىممىتىنى تەكشۈرۈپ، قوناق تەركىبىدە ئوزۇقلۇق قىممىتى ۋە ۋىتامىننىڭ بۇغداينىڭكىدىن 5–10 ھەسسە يۇقىرىلىقىنى ئېنىقلىغان. قوناقنىڭ تەركىبىدە يەنە قېرىشنىڭ ئالدىنى ئالىدىغان كالتسىي، ۋىتامىن A، ماگنىي، كىرىمنىي، ۋىتامىن E ۋە ياغ كىسلاتاسى قاتارلىقلار بولۇپ، ۋىتامىن E قېرىشنىڭ ۋە مېڭە ئىقتىدارى چېكىنىشنىڭ ئالدىنى ئالىدۇ.

    قوناق ئاشقازاننىڭ لۆمۈلدىشىنى كۈچەيتىپ ، توكسىننىڭ بەدەنگە قوبۇل قىلىنىشىنى ئازايتىدۇ . ئۇنىڭ تەركىبىدە ماگنىي ، كالتسىي، كاروتېن قاتارلىق ماددىلار بولۇپ، يۇقىرى قان بېسىمى كېسەللىكىنىڭ ئالدىنى ئېلىشقا ۋە قېرىشنى كېچىكتۈرۈشكە ياردەم بېرىدۇ.

    قوناقنى قاينىتىپ ياكى دۈملەپ پىشۇرۇپ ئىستېمال قىلسا، ئوڭاي ھەزىم بولىدۇ. بىراق ئاشقازان، ئۈچەي ئىقتىدارى ياخشى ئەمەس كىشلەر كۆپ ئىستېمال قىلماسلىقى كېرەك. قوناق دىيابېت كېسەللىكىگە گىرىپتار بولغان كىشلەرنىڭ ئەڭ ياخشى يېمەكلىكى ھېسابلىنىدۇ.

    قوناق بىلەن ماش ئۇيۇتمىسى بىر–بىرىگە تولىمۇ ماس كېلىدۇ، ئۆزئارا ئوزۇقلۇق تولۇقلايدۇ، ماش ئۇيۇتمىسى تەركىبىدىكى كنىك كىسلاتاسى قوناق تەركىبىدىكى ئاقسىلنىڭ بەدەنگە قوبۇل قىلىنىشىنى ئىلگىرى سۈرىدۇ.

  

يانفۇندا كۆرۈش
    315