ئائىلە ئېلېكتىر سايمانلىرى نېمىدىن قورقىدۇ؟

تەھرىر: كارۋان   مەنبەسى:未知   يوللانغان ۋاقتى:2016-10-24 15:53

رەڭسىز تېلېۋىزور ئۆزىنى قالايمىقان قويۇپ – ئۆچۈرۈشتىن قورقىدۇ. چۈنكى ھەر قېتىم تېلېۋىزورنى ئاچقاندا، تېلېۋىزورنىڭ ئېكران چىرىغى قىلىدا بىر قېتىم زىيادە قىزىش كۆرۈلىدۇ، كۆپ ئۆچۈرۈپ – قويغاندا، تېلېۋىزورنىڭ ئۆمرى قىسقىرايدۇ.

   رەڭلىك تېلېۋىزور ماگنىت مەيدانىنىڭ كاشىلا قىلىشىدىن قورقىدۇ. شۇنىڭ ئۈچۈن رەڭلىك تېلېۋىزورغا يېقىن ئورۇنغا ماگنىتلىق تۆمۈر قاتارلىق بۇيۇملارنى قويماسلىق كېرەك، بولمىسا ئېكراننىڭ رەڭگى قالايمىقانلىشىپ كېتىدۇ.

   رادىيولۇق ئۈنئالغۇ باش ئوقنىڭ ئېگىلىپ كېتىشىدىن قورقىدۇ. ئەگەر باش ئوق ئازراق ئېگىلىپ قالسا، تىترەڭگۈ ئاۋاز پەيدا بولىدۇ. شۇنىڭ ئۈچۈن ماگنىتلىق لېنتىنى رادىيولۇق ئۈنئالغۇدىن ئالغان – سالغاندا ئالاھىدە دىققەت قىلىش كېرەك.

   توڭلاتقۇ يانتۇ قويۇلۇپ قېلىشتىن بەك قورقىدۇ. پىرېسلىغۇچ(سىقىش ماشىنىسى) ئادەتتە پۇرژىنا بىلەن مېتال قاچىغا مۇقىملاشتۇرۇلىدۇ، توڭلاتقۇ يانتۇ بولۇپ قالسا، ئىلمەكتىن چىقىپ كېتىش مۇمكىنچىلىكى چوڭ بولىدۇ.

   كىرئالغۇ قىزىق سۇدىن قورقىدۇ. چۈنكى قىزىق سۇ ساندۇق گەۋدىسى ۋە پىلاستىك ماتېرىيالدىن ياسالغان زاپچاسلارنىڭ شەكلىنى ئۆزگەرتىۋېتىدۇ، ئۇنىڭدىن باشقا قىزىق سۇ ھەتتا پىرقىرىغۇچ چاقنىڭ ھىملىقىغىمۇ تەسىر كۆرسىتىدۇ.

   توك شامالدۇرغۇچ پىقىرىغۇچ قانىتىنىڭ شەكلىنىڭ ئۆزگىرىپ كېتىشىدىن قورقىدۇ. چۈنكى پىقىرىغۇچ قانىتىنىڭ شەكلى ئۆزگىرىپ كەتسە، پىقىرىغۇچنىڭ ئايلىنىش تەڭپۇڭلۇقىغا تەسىر يېتىپ، شامال كۈچى ئاجىز، تەۋرىنىشى كۈچلۈك، شاۋقۇن كۈچلۈك بولىدۇ، شۇنىڭدەك شامالدۇرغۇچنىڭ ئىشلىتىش ئۆمرىنىمۇ قىسقارتىۋېتىدۇ.

   توك ئەدىيال قاتلىنىپ كېتىشتىن قورقىدۇ. چۈنكى ئۇنىڭ ئىچكى قىسمىدىكى ئىسسىقلىق چىقىرىش سىمى ئىنچىكە ھەم چۈرۈك، ئۇنىڭ ئۈستىگە ئاسان ئۈزۈلىدىغان بولغاچقا، قايتا ئۇلاپ قويغان تەقدىردىمۇ بىخەتەرلىكىگە كاپالەتلىك قىلغىلى بولمايدۇ. 

  

يانفۇندا كۆرۈش
    315